Тағы бір ұшақ құлап, 12 адам қаза тапты
Ұшақ апатынан 12 адам қаза тауып, бесеуі аман қалды. Оның себебі анықталып жатыр
Гондурастың батысындағы Роатан аралында ұшақ апатқа ұшырап, 12 адам қаза тапты. Бұл туралы Гондурастың ұлттық полициясы X әлеуметтік желісіндегі парақшасында мәлімдеді, - деп хабарлайды Мalim.kz тілшісі gazeta.ru-ға сілтеме жасап.
«Роатан аралында болған ұшақ апатынан 12 адам қаза тауып, бесеуі аман қалды», - делінген хабарламада.
Басылым мәліметінше, қазір құтқарушылар ұшақта болған тағы бір адамды іздеп жатыр.
Бұған дейін La Prensa газеті Ислас-де-ла-Баия департаментінің губернаторы Уго Варелаға сілтеме жасап, бортында 15 жолаушысы бар Lanhsa ұшағы Гондурастың батысындағы Роатан аралындағы әуежайдан көтерілгеннен кейін бірден теңізге құлағанын жазған. Ұшақ Ла-Сейбаға қонуға тиіс болатын.
Бұған дейін ұшақ апаты салдарынан алты адамның қаза тапқаны хабарланған болатын. Құтқарушылар он адамды аман алып қалды, олар ауруханаға жатқызылды.
Полиция ұшақтың механикалық ақаудан құлағанын айтты. Әуе лайнері ұшу-қону жолағына бір шақырым қалғанда құлаған.
Фото: pixabay.com
Байланысты жаналықтар
MalimBlocks
