АҚШ миллиардері Джефф Безос өзінің қалыңдығы мен әнші Кэти Перри бастаған барлық мүшесі әйелдерден тұратын экипажды ғарышқа жіберді, деп хабарлайды Malim.kz.
Blue Origin компаниясының New Shepard атты көп рет қолданылатын зымыран жүйесі коммерциялық суборбиталық ұшуды сәтті жүзеге асырды.
Экипаж құрамында 6 әйел болды:
- әнші Кэти Перри,
- Джефф Безостың қалыңдығы Лорен Санчес,
- CBS телеарнасының жүргізушісі Гейл Кинг,
- аэроғарыш инженері әрі кәсіпкер Айше Боу,
- биоастронавтика инженері Аманда Нгуен,
- кинопродюсер және режиссер Кериэнн Флинн.
Ұшу Техас штатындағы ұшыру алаңынан жүзеге асты. Толықтай автоматтандырылған режимде өткен ұшу шамамен 11 минутқа созылды. Капсула ғарыш пен атмосфера арасындағы шартты шекара — Карман сызығын кесіп өтіп, парашюттер мен тежеуіш қозғалтқыштарының көмегімен Жерге аман-есен қонды.
NBC News-ке берген сұхбатында Кэти Перри бұл ұшуды өзінің төрт жасар қызына арнағанын айтып:
"Қиялға шекара қоймауды үйреткім келді", – деді.
Айта кетейік, тек әйелдерден құралған экипаж алғаш рет ғарышқа 1963 жылы ұшқан болатын. Ол кезде КСРО-ның тұңғыш әйел-ғарышкері Валентина Терешкова тарихи миссияны орындаған еді.
Фото: x.com/davill
