ХАМАС көшбасшысы тірі екен
Синвар соңғы күндері Катардағы ХАМАС өкілдерімен байланысқа шығып, оларға хабарламалар жіберген
Радикалды ХАМАС қозғалысының жетекшісі Яхья Синвардың тірі екені белгілі болды. Әлемдік БАҚ оның ұзақ үнсіздіктен кейін байланысқа шыққанын жарыса жазып жатыр.
Синвар соңғы күндері Катардағы ХАМАС өкілдерімен байланысқа шығып, оларға хабарламалар жіберген. Бұл туралы Walla басылымы израильдік шенеуніктің ақпаратына сілтеме жасап хабарлады.
Израиль шенеунігі ХАМАС жетекшісінің хабарламаларды нақты қашан жібергені белгісіз екенін айтты. Бірақ олар Газадағы тұтқындарға қатысты екен.
- Оның хабарламаларында Газа секторында кепілге алынғандарды босату жөніндегі келіссөздердегі ұстанымының жұмсарғаны байқалмайды, - деді шенеунік.
Айта кетсек, Яхья Синвар 31 шілдеде Иранның жаңа президентінің инаугурациясына бара жатып, Тегерандағы қонақ үйдегі жарылыстан қаза тапқан Исмаил Ханияның ХАМАС-тағы мұрагері болды.
Фото: euronews.com
Байланысты жаналықтар
MalimBlocks
