Вице-премьер – ұлттық экономика министрі Серік Жұманғарин төрағалығымен инфляцияны тұрақтандыру мәселелері жөніндегі кеңес өтті, деп хабарлайды Malim.kz.
Азық-түлік себетіне талдау нәтижесінде әлеуетті әлеуметтік маңызы бар 23 жаңа тауар анықталды.
Қарашаның үшінші аптасында әлеуметтік маңызы бар азық-түлік тауарларының бағасы өзгеріссіз қалды. Қызанақ, тартылған ет, қияр, банан және басқа өнімдер қазан айында инфляцияға елеулі үлес қосқан, ал жылдық көрсеткіш бойынша кейбір өнімдер арзандаған.
Тізімге енгізілетін тауарлар үшін мәмілелер ашықтығын қамтамасыз ету, шарттарды рәсімдеу, шот-фактуралар мен фискалдық чектерді уақтылы шығару және сауда үстемесін 15%-дан аспау тәрізді міндеттемелер қойылады.
Серік Жұманғарин бизнес-қоғамдастықпен және «Атамекен» ҰКП арқылы әр позицияны жеке талқылауды және импорт құрылымына қосымша талдау жүргізуді тапсырды. Түпкілікті шешім консультациялар аяқталған соң қабылданады.
