Алматы метрополитен басшылығы салық шығындарын сауда алаңдарын жалға алушылар есебінен өтеуді көздеп, заңсыз талаптар қойған.
Көлік прокуратурасы тексеріс барысында кәсіпкерлердің құқығы бұзылғанын анықтаған. Бұл туралы Бас көлік прокуратурасы мәлімдеді.
Алматы қаласының «Метрополитен» ШЖҚ КМК-ға жүргізілген тексеріс нәтижесі кәсіпкерлерден заңсыз қосымша төлем алынғанын көрсетіп берді.
Атап айтқанда, метрополитен басшылығы салық шығындарын сауда алаңдарын жалға алушылар есебінен өтеуге шешім қабылдап, ол үшін оларды қосымша келісімдер жасауға мәжбүр еткен, - делінген хабарламада.
Фото: Kazinform
