Kazakhmys Barlau Павлодар облысының Баянауыл ауданында алтын және полиметалл кен орнында геологиялық барлау жұмыстарын жүргізуде.
Зерттеулер карьер бортының тұрақтылығын бағалау үшін инженерлік-геологиялық деректер алу мақсатында жүзеге асырылуда.
Бұрғылау жұмыстарының жалпы көлемі 8800 п.м. құрайды, бүгінгі күні оның 3000 п.м. бұрғыланды. Жұмысқа 2 бұрғылау қондырғысы жұмылдырылған, жуық арада олардың санын 4-ке дейін арттыру жоспарлануда. Геологиялық сүйемелдеу тікелей кен орнында жүргізілуде.
Баянауыл пайдалы қазбаларға бай өңір және Баянауыл кенді ауданының құрамына кіреді. Мұнда мыс, мырыш, күміс, күкірт, барит және сирек металдармен қатар гранит пен грейзен кен орындары да орналасқан. Ең белгілі нысандардың қатарына Майқайың, Жыланды және Шоқпақ кен орындары кіреді.
