Халықты жұмыспен қамту жайы талқыланған үкіметтің бүгінгі онлайн отырысында экранның арғы жағындағы облыс әкімдерінің ішінде Бердібек Сапарбаев еңсесін түсірмей тік отырды. Оның баяндамасы да өзгелердікінен өзгешелеу болды. Мәселен, Шығыс Қазақстан облысының әкімі Даниал Ахметов жұмыссыздықты азайту тапсырмасын 100 пайызға жеткізіп орындай алмапты. Шымкент қаласының жас әкімі Мұрат Әйтенов президент Қасым-Жомарт Тоқаев тапсырасын 72 пайызға ғана орындаған. Ал Жамбыл облысының әкімі Бердібек Сапарбаев бәрінен озып кетіпті.
-Мемлекет басшысы Қасым-Жомарт Тоқаевтың негізгі тапсырмасының бірі – халықты жұмыспен қамту. Өңірде жұмыспен қамту шараларына 44 мың адам қамтылды. Оның ішінде 37 мың адам жұмысқа орналасты. Жаңа жұмыс орындарын ашу 20 мың болатын. Оның орындалғаны 26 мың. Яғни, жоспар 130 пайызға орындалды. Оның ішіндегі 63 пайыз тұрақты жұмыс орындары. Негізінен жұмысқа орналастыру мемлекеттік бағдарламалар, атап айтқанда «Еңбек», «Жұмыспен қамту жол картасы», «Нұрлы жол», «Ауыл - ел бесігі» бағдарламалары нәтижесінде орындалды. Негізінен жұмысқа орналасқандардың 45 пайызы жұмыссыздар. Қалған 55 пайыз өзін өзі қамтыйтындар. «Еңбек» бағдарламасына 17 млрд (теңге) бөлінді. (Оған) 30 мың адам мүше болды. Неси беру, гранд беру, кәсіпке оқыту, кәсіпкерлікті қолдау шараларының бәрі орындалды,- деді Жамбыл облысының әкімі Бердібек Сапарбаев.
Жалпы, Қазақстанда Жамбыл, Қызылорда және Батыс Қазақстан облыстары дотацияда отырған, экономикалық дамуы мен өсімі өте нашар аймақтардың қатарында. Ал Бердібек Сапарбаевтың бүгінгі сөзіне қарағанда Жамбыл облысында жұмыссыздықпен күрес қарқынды.
