Жаңа облыстарда үй бағасы үш айда қалай өзгерді?
Президент Қасым-Жомарт Тоқаев 16 наурыз күні Қазақстан халқына жолдауында үш облысты бөлу туралы шешім қабылдағанын айтып, жаңа облыс орталықтарын таныстырған еді. MalimMedia сол жаңалық шыққан күннен бастап жаңа орталықтардағы тұрғын үй бағасын салыстырып көрдік.
Үш қаланы бақылап отырып, әсіресе, аты өзгерген Қонаевтың бағасы да қатты өзгергенін байқадық. Бірақ Семей мен Жезқазған да қалыс қалмапты.
Қонаев қаласы статус алмай тұрып 3-ықшам ауданнан 1980 жылдары салынған үйден 2 бөлмелі пәтер алу үшін 15 миллион керек болса, қазір 23 миллионнан артық ақша керек. Ал 4-ықшам ауданнан 2 бөлмелі пәтер көктемде 18 миллион теңгеге бағаланса, қазіргі бағасы 20 миллионнан басталып, 25 миллионға дейін жеткен. Сейфуллин көшесі бойындағы 2022 жылы салынған су жаңа үйден 1 бөлмелі пәтер құны наурызда 10 миллион болса, қазіргі құны 15 миллионнан көп.
Семей қаласы орталық бол тұрып Юность ықшам ауданында 1970-80 жылдары салынған үйден 2 бөлмелі пәтердің құны 12-13 миллион теңге болса, қазір 14-20 миллион теңге аралығында сатылымға шығып тұр. Пушкин көшесі бойындағы 100-үйден наурызда 2 бөлмелі пәтерді 18 миллионға алуға болса, қазір дәл осы үйдегі 2 бөлмелі пәтер құны 23 миллион теңгеге бағаланған. Төрт ай бұрын Бозтаев көшесінің бойында 4 бөлмелі пәтер 27 миллион теңге тұрса, қазір бұл көшенің бойынан 4 бөлмелі үйді 33 миллионға алуға болады.
Жезқазған қаласы Алашахан көшесі бойындағы үйден 3 бөлмелі пәтер құны жаңа облыс ашылмай тұрып 15 миллион болса, қазіргі бағасы 20 миллионға жеткен. Жәлел көшесіндегі үйден 2 бөлмелі пәтер көктемде 11 миллионға бағаланса, қазіргі құны 14-15 миллион арасында болып тұр. Гагарин көшесінің бойына 1964 жылы салынған үйлерден 2 бөлмелі пәтерді наурызда 9 миллионға алуға болатын еді, қазіргі бағасы 15 миллионнан жоғары болған.
MalimBlocks
Есірткі беріп, зорлап келген: Алматы облысында жәбір көрген 17 жастағы қыздың анасы әділдік іздейді
Алматы облысы Қарасай ауданы Береке ауылында бір топ жігіт 11 сынып оқушысын 2 жыл бойы пышақпен қорқытып, есірткі беріп, зорлап келген. Оның анасы әділдікті талап етіп, кінәлілердің жазалануын сұрайды, деп хабарлайды Stan.kz “Астарлы ақиқат” бағдарламасына сілтеме жасап.
