Түркия астанасы Анкарада ірі жол-көлік оқиғасы тіркелді, деп хабарлайды Malim.kz.
Алдын ала мәліметке сәйкес, жүк тиеу бөлігі ашық күйде қозғалған ауыр жүк көлігі жаяу жүргіншілерге арналған жерүсті өткеліне соғылған. Соққының әсерінен өткел құлап, жол бойымен келе жатқан тағы екі көлік апатқа ұшырады.
Оқиға салдарынан 3 адам жеңіл жарақат алған. Зардап шеккендер медициналық мекемеге жеткізілді.
Қазіргі уақытта полиция қызметкерлері апаттың мән-жайын анықтап, тергеу жұмыстарын жүргізіп жатыр.
