АҚШ билігі Иранға қатысты ықтимал әрекеттердің бірнеше нұсқасын қарастыруда, деп хабарлайды Malim.kz. DW-ге сілтеме жасап.
Соның бірі – Иран Ислам Республикасының жоғарғы көшбасшысы, 86 жастағы аятолла Али Хаменеи мен оның ұлы Моджтабаға қарсы күш қолданбақшы. Басылым дерегіне сүйенсек, мұндай жоспар бірнеше апта бұрын АҚШ президенті Дональд Трамп әкімшілігіне ұсынылған. Сонымен қатар, америкалық және израильдік шенеуніктер Вашингтон Иранға қарсы соққы жасау мүмкіндігін де қарастырып отырғанын айтқан.
Дегенмен, Ақ үй Тегеранға ядролық қару жасауға мүмкіндік бермейтін шектеулі деңгейде уран байытуға рұқсат беру арқылы келісімге келу нұсқасын да жоққа шығармайды.
