Ақмола облысының прокуратурасы бірнеше ондаған сотталғанды азаптады деп айыпталған Атбасардағы колония қызметкерлерін ақтау үкімімен келіспеді, деп хабарлайды Malim.kz.
Алқабилердің үкіміне апелляциялық шағым түсірілді.
2025 жылғы 12 ақпанда Ақмола облысының қылмыстық істер жөніндегі мамандандырылған ауданаралық соты алқабилердің шешімі негізінде Қылмыстық атқару жүйесі департаментінің Атбасар қаласындағы №1 түзеу мекемесінің бұрынғы 12 қызметкеріне қатысты ақтау үкімін шығарған болатын.
Олар сотталғандарды азаптады деген айыпқа тартылған. Алайда екі күн өткен соң облыстық прокуратура апелляциялық шағым беріп, алқабилердің шешіміне қарсылық білдірді.
Фото: istockphoto.com
