Омар Сатаев грек-рим күресінен Иорданияның астанасы Амманда өтіп жатқан Азия чемпионатында Қазақстан құрамасының қоржынына екінші күміс медальді салды, деп хабарлайды Malim.kz.
Отандасымыз 82 келі салмақта ел намысын қорғады.
Қазақстандық балуан финалда ирандық Мохаммад Нагузимен өзара мықтыны анықтады. Тартысқа толы белдесуде Омар Сатаев 1:3 есебімен жол берді.
Айта кетейік, бұған дейін бұл көрсеткішке 130 келі салмақта Әлімхан Сыздықов қол жеткізген болатын.
Фото: Спортты дамыту дирекциясы
