Өрттен зардап шеккен Жасыбай орманшылығындағы ғимараттарда адам тұрмайды. Бұл туралы Баянауыл ауданының әкімдігіне сілтеме жасап Malim.kz хабарлады.
Бұған дейін жергілікті тұрғындар түсірген бейнежазбалардан Жасыбай орманшылығындағы ғимараттардың өртеніп жатқаны көрінеді.
Аудан әкімдігінің хабарлауынша, жанып жатқан қос ғимаратта адамдар тұрмайтыны анықталды.
Бейнежазбада жанып жатқаны түсірілген ғимараттар бұрын қолданыста болған ескі үйлер, қазір адам тұрмайды. Жасыбай демалыс аймағына кіреберісте орналасқан. Үйлер жеке адамға тиесілі, бірақ иесі белгісіз. Қос ғимарат та бір аумақта орналасқаны себепті, екеуінің де иесі біреу болуы мүмкін деп ойлаймыз, - деп мәлімдеді Баянауыл ауданы әкімдігінен.
Фото: видеодан скрин
