ЦАХАЛ 1 наурызға қараған түні Иран аумағына қосымша әуе соққыларын жасады, деп хабарлайды Malim.kz. DW-ге сілтеме жасап.
Израиль армиясының мәліметінше, жаңа шабуылдар Иранның баллистикалық зымыран жүйелері мен әуе қорғаныс нысандарына бағытталған.
Иранның мемлекеттік БАҚ-тары ел астанасы Тегеран қаласында жарылыстар болғанын хабарлады. AFP тілшісінің дерегінше, қалада кемінде үш жарылыстың дыбысы естілген.
Израиль тарапы бұл операцияны Иранның әскери әлеуетін әлсіретуге бағытталған қосымша соққы ретінде сипаттады.
