Алматы облысында оқу жылы басталғалы бері 244 сынып карантинге жабылған. Бұл жөнінде Алматы облысы әкімінің орынбасары Батыржан Байжұманов мәлімдеді.
«Мектептерді біз әлі карантинге жапқан жоқпыз. Біз қазір вирус жұқтырған балаларды анықтау мен сыныптарды екі апталық карантинге жабу жұмыстарын жүргізудеміз. Қазір 244 сынып екі апталық карантинге жабылды. Бұл 2800 бала. Облыс бойынша 22 400 сынып бар. Соның 244 карантинге жабылды. Бұл жалпы сыныптың 1 пайызын құрайды. Облыс мектептерінде 442 мың бала оқып жатыр», - деді Байжұманов орталық коммуникациялар орталығында өткен баспасөз брифингінде.
Алматы облысы әкімдігінің мәліметінше, коронавирус жұқтырған оқушылардың басым көпшілігі 14 жасқа дейінгі балалар. Қыркүйектің 1-і мен 13-і аралығында облыс бойынша 422 мектеп оқушысынан коронавирус инфекциясы анықталған. Оның 202-і сабақ уақытымен байланысты емес.
Фото: Ашық дереккөздерден
MalimBlocks
Есірткі беріп, зорлап келген: Алматы облысында жәбір көрген 17 жастағы қыздың анасы әділдік іздейді
Алматы облысы Қарасай ауданы Береке ауылында бір топ жігіт 11 сынып оқушысын 2 жыл бойы пышақпен қорқытып, есірткі беріп, зорлап келген. Оның анасы әділдікті талап етіп, кінәлілердің жазалануын сұрайды, деп хабарлайды Stan.kz “Астарлы ақиқат” бағдарламасына сілтеме жасап.
