Біріккен статистика: Бір тәулікте 6407 адам ауырған

Malim Админ

  • 02.08.2020

Денсаулық сақтау министрлігінің ресми өкілі Бағдат Қожахметов фейсбук парақшасында COVID-19 бойынша жаңартылған статистиканың алғашқы нәтижелерін жариялады.

«COVID–19 және пневмония жағдайлары бойынша деректердің барынша ашықтығын қамтамасыз ету мақсатында Қазақстан Республикасы Денсаулық сақтау министрлігі 18 шілдеден бастап статистикалық деректерді есепке алу мен қалыптастырудың жаңа тәсілдерін айқындады.

ДДСҰ-ның Еуропалық аймақтық Бюросымен бірқатар техникалық консультациялардан кейін аурулардың халықаралық жіктемесінің жаңа кодтары бойынша COVID-19 жағдайларын кодтауға және есепке алуға көшу туралы шешім қабылданды. 2020 жылдың 1 тамызынан бастап COVID-19 зертханалық расталған жағдайлары коронавирус инфекциясының клиникалық және эпидемиологиялық белгілері бар ПТР тесттің теріс нәтижесі, пневмония жағдайлары ескеріледі.

Кронавирус инфекциясы және пневмонияны есепке алудың өзгертілген тәсілдері аурудың дұрыс болжамдарын жасауға, қажетті ресурстарды: медициналық кадрларды, төсек-орындарын, медициналық жабдықтарды, дәрілік заттарды барабар жоспарлауға, сондай-ақ статистиканың ашықтығын қамтамасыз етуге мүмкіндік береді. Бұл біздің мемлекетіміздің коронавирустық пандемияға бірлесіп қарсы тұруға және оның салдарын халықаралық қауымдастықпен тығыз байланыста зерттеуге дайын екендігінің ашық саясатын көрсетеді.

Қазақстан Республиканың денсаулық сақтау министрлігі коронавирустық инфекция бойынша статистикалық деректердің дұрыстығын қамтамасыз ету үшін кодтау алгоритмі мен ақпараттық жүйелерге деректерді енгізу жөніндегі нұсқаулықты әзірледі, АХЖ-10 жіктемесінде COVID-19 кодтарын тағайындауға қатысты медицина қызметкерлерін оқытты.

Осылайша, 2020 жылдың 1 тамызындағы жағдай бойынша, COVID-19 зертханалық расталған жағдайлардың саны - 1226, соңғы бір тәулікте 36 адам қайтыс болды. Анықталмаған этиологиясы бар, бірақ коронавирустық инфекцияның клиникалық және эпидемиологиялық белгілері табылған пневмониямен ауырғандар саны – 5181. Өткен тәулікте пневмония диагнозымен 30 өлім жағдайы тіркелді» делінген хабарламада.

Байланысты жаналықтар

ПЦР мен КТ-дан өтуге неге асықпау керек?

01.07.2020

Вакцина пандемияны тоқтата ала ма?

01.02.2021

Цойдың есебі мен дәйегі өтірік боп шықпай ма?

10.07.2020

Қытай Қазақстанға медицина қызметкерлерін көмекке жіберіп жатыр

07.04.2020

"Денсаулық сақтау жүйесінің шамасы жоқ"

27.06.2020

Қазақстанда коронавируспен екінші мәрте ауырған адам тіркелді

04.11.2020
MalimBlocks
ПЦР мен КТ-дан өтуге неге асықпау керек?

Вакцина пандемияны тоқтата ала ма?

Цойдың есебі мен дәйегі өтірік боп шықпай ма?

Қытай Қазақстанға медицина қызметкерлерін көмекке жіберіп жатыр

"Денсаулық сақтау жүйесінің шамасы жоқ"

Қазақстанда коронавируспен екінші мәрте ауырған адам тіркелді