Кеше Мәжіліс депутаттары екінші оқылымда «Халық денсаулығы мен денсаулық сақтау жүйесі» кодексінің жобасын мақұлдады. Бұл қоғамда үлкен шу тудырған, халық қол жинап, қарсы болған заң жобасы еді. Осыған байланысты Денсаулық сақтау министрі Елжан Біртанов бүгін фейсбук парақшасында түсінік берді.
«Бірақ бұл біз жүрмек жолдың ортасы ғана. Әлі жұмыс аяқталған жоқ. Бірақ қазірдің өзінде бұл заң жобасын Мәжіліс қолдап отыр. Вакцинация, трансплантация, скринг, донорлық сияқты жекелеген салаларға қоса, медицина қызметкерлерінің жеке статусы да кодекс жобасында қарастырылған.
Президент тапсырмасымен санитарлық-эпидемиологиялық қызметті күшейту нормалары да қарыстырылды» деген министр вакцинация мәселесіне арнайы тоқталып, шуды біржола тоқтатқысы келгендей..
«Соңғы кезде әлеуметтік желіде кодекске қарсы әртүрлі пікір туды. Вакцинацияны міндеттеу дұрыс емес, сапасыз вакцина, оған халықтың көбі қарсы, адам ағзасына кері әсер ететін дәрі-дәрмек деген сияқты шындыққа жанаспайтын сөздер тарады. Бұл - халық санасын манипуляциялау.
Вакцинация Қазақстанда міндетті болмаған, бұдан кейін де ешкімді мәжбүрлемейміз. Барлық елдердегі сияқты бізде де ерікті, және алуға тиісті вакциналар болады. Бірақ әрбір ата-ананың вакцинаға келісім беріп, я бас тартуына хақы бар. Вакцина алмаған балалардың құқығын шектейтін ешқандай норма жоқ. Бір ғана норма бар, коллективтік иммунитетті қамтамасыз ету үшін вакцина салынады, балабақшадағы балалардың денсаулығы үшін.
Әрбір вакцина елімізде көптеген кезеңдік тексерілуден өтеді. Пайдалысы, сапалысы халықаралық стандартқа сайы (GMP) алынады. Вакцина сапасы тіркелген күннен бастап тексеріледі. Тіркелгеннен кейін тағы қауіпсіздігін анықтайды. Одан кейін қаншалықты пайдасы бары тағы сарапқа салынады.
Бұл кодекс Мәжіліс спикері Н. Нығматуллин мен вице-спикер Г. Исимбаева жетекшілігімен қарастырылып, қабылданды. Сол үшін алғыс айтамын. Сонымен қатар әлеуметтік-мәдени даму комитетінің бұрынғы басшысы Г. Әбдіқалықоваға, қазіргі басшысы Б. Мамраевқа, жұмыс тобының жетекшісі, З. Аманжолова рахмет айтамын», – деген Елжан Біртанов осы жұмысқа ат салысқан барша депутаттарды атап, сонымен қатар вакцинацияға мәжбүрлеуге қарсы болған Б. Тілеуханға рахметін айтты.
«А. Перуашев пен Б. Тілеухандардың да қосқан үлестерін айтпай кетуге болмас. Заң жобасының жетілуіне бұл кісілердің үлесі бар», – деді министр.
Байланысты жаналықтар
MalimBlocks
