Disney туындылары қазақ тілінде көрсетіледі

Ұсынылған фильмдердің қазақ тіліндегі дубляжы қазақстандық Movie Dalen студиясында жасалды.

Malim Админ

  • 10.05.2024

Қазақстан кинотеатрларында DISNEYкомпаниясының үш бірдей туындысы: Disney және Pixar студияларының «ОЙЖҰМБАҚ 2» анимациялық фильмі, Disney компаниясының «МОАНА 2» шытырман оқиғасы мен «МУФАСА: АРЫСТАН ПАТША» көркем фильмі қазақ тілінде көрсетіледі. Бұл сүйінші жаңалықты Халықаралық «ҚАЗАҚ ТІЛІ» қоғамы til.kz ресми сайтында жариялады.

Фильмдерді түрлі елдерге бейімдеп, дубляждау – Disney компаниясында бұрыннан қалыптасқан үрдіс. Disney жыл сайын әр фильмнің түрлі тілдердегі 30-ға жуық нұсқасын дайындайды. Қазақ тілінің осындай ірі тілдер қатарына қосылуы, сүйікті фильмдердегі өзімізге жақсы таныс кейіпкерлердің бізбен бірге бір тілде сөйлеуі – өте маңызды қадам.

Осы тұрғыда Халықаралық «Қазақ тілі»қоғамының негізгі жұмыс бағыты Disney компаниясының ұстанымен үндес келеді. «Қазақ тілі» қоғамы мемлекеттік тілдегі контент қорын, атап айтқанда, бала тілін қазақша шығаруға қажет құралдардан бастап, әр адамның қазақ тілі аясында тұлға әрі маман болып қалыптасуына керек мазмұн қорын арттыруға басымдық береді.

Әлемдік анимация жауһарлары, қазақ тіліндегі кинопрокат бағытындағы контенттің қазақ тіліне аудару бастамасын қолдайды. Бұл жолы “Қазақ тілі” қоғамы Disney командасымен бірлесе аталған фильмдерді қазақстандық көрермендерге кеңінен насихаттау және таратуға атсалысады.

Фильмдерді әртүрлі елдерге бейімдеп, дубляждау – Disney компаниясындағы контент әзірлеу жұмысының ажырамас бөлігі әрі бұрыннан қалыптасқан үрдісі.

Сол себепті Disney Character Voices International ұжымы әр фильмнің түрлі тілдерге аударылған 30-ға жуық нұсқасын әзірлейді. Осы нұсқалардың әрқайсысындағы кейіпкерлердің бірегей бейнесін сақтай отырып, оны көрермендерге«жақын» әрі түсінікті етіп аударатын, дубляждайтындарынды шығармашылық кеңесшілер мен техникалық мамандар тобы жұмылдырылады, – дейді Орталық және Шығыс Еуропа, ТМД елдері, Грузия және Моңғолиядағы Disney компаниясының бас директоры Кахабер Абашидзе.

Қазақстандық көрермен мемлекеттік тілде көрсетілетін Disney премьераларын қашанда ерекше ықыласпен қарсы алады. Бұл дәстүр 2024 жылы да жалғасын таппақ. Үлкен экрандардан қазақ тілінде көрсетілген «Моана», «Көліктер 3», «Коконың құпиясы» және «Арыстан патша» (2019) фильмдерінің қатары жаңа туындылармен толықпақ. Қазақ тілінде еркін сөйлейтіндер де, тілді енді үйреніп жүргендер де сапалы дубляждалған фильмдерді тамашалаудан ләззат алары cөзсіз, – деп пікір білдірді Қазақстан аумағындағы Disney фильмдерінің ресми дистрибьюторы, «Меломан» компаниясының бас директоры Вадим Голенко.

14 маусымнан бастап кинотеатрларда Disney мен Pixar командасы түсірген танымал анимациялық туындының көптен күткен жалғасы – «Ойжұмбақ 2» көрсетіледі. Мұндакөрермен бой жетіп қалған Райлимен қайта қауышады.

Кейіпкердің санасында күтпеген жерден пайда болған жаңа эмоцияларға орын босату үшін Бас бөлімінде күрделі жөндеу жұмыстары басталады...

Ал көптен күткен екінші релиз – Disney компаниясының «Моана 2» анимациялық шытырман оқиғасын қараша айынан бастап тамашалай аламыз. Фильм режиссері – кіші Дэйв Деррик, музыка авторы – «Грэмми» сыйлығының жүлдегерлері Эбигейл Барлоу мен Эмили Беар, «Грэмми» номинанты Опетайя Фоая мен үш дүркін «Гремми» жүлдесінің иегері Марк Манчина.

Қазақ тілінде көрсетілетін үшінші туынды – Disney компаниясының «Муфаса: Арыстан патша» көркем фильмі. 2019 жылғы «Арыстан патша» фильмінде қолданылған заманауи технологиялардың көмегімен түсірілген бұл картина Муфасаның балалық және жастықшағын, бауыры Шраммен арадағы өшпенділіктің түпкі тарихын баяндайды. Фильм режиссері – Барри Дженкинс («Ай сәулесі»), сценарийін Джефф Натансон («Терминал»)жазған.

Ұсынылған фильмдердің қазақ тіліндегі дубляжы қазақстандық Movie Dalen студиясында жасалды.

Фото: дереккөз

Байланысты жаналықтар

Мемлекеттік тіл саясатын іске асыру жөніндегі комиссияның отырысы өтті

27.05.2024

Елімізде әлеуметтік маңызы бар өнімдердің бағасы төмендеп жатыр – Үкімет

27.05.2024

Су тасқыны: Жайық деңгейінің көтерілуіне байланысты бөгеттер нығайтылып жатыр

27.05.2024

Қазақстанда қанша шетелдік жұмыс істейді

27.05.2024

Қазақстандықтардың зейнетақы жинақтарының көлемі белгілі болды

24.05.2024

Соңғы бес айда 6 мыңға жуық этникалық қазақ қандас мәртебесін алды

24.05.2024
MalimBlocks
Мемлекеттік тіл саясатын іске асыру жөніндегі комиссияның отырысы өтті

Отырыс қорытындысы бойынша Комиссияның 2024 жылға арналған жұмыс жоспары бекітілді

Елімізде әлеуметтік маңызы бар өнімдердің бағасы төмендеп жатыр – Үкімет

Ауыл шаруашылығы министрлігі тарапынан тұрақтандыру қорларындағы көкөніс қорларының көлемі бойынша деректер айтылды.

Су тасқыны: Жайық деңгейінің көтерілуіне байланысты бөгеттер нығайтылып жатыр

Республика бойынша эвакуацияланған 61 966 адам өз үйіне оралды.

Қазақстанда қанша шетелдік жұмыс істейді

Еңбек мигранттары келетін негізгі елдер: Қытай – 4 059 адам (29,6%), Өзбекстан – 1 815 адам (13,2%), Үндістан – 1 192 адам (8,6%), Түркия – 1 068 адам (7,7%).

Қазақстандықтардың зейнетақы жинақтарының көлемі белгілі болды

2024 жылдың 4 айында салымшылардың шоттарына түскен зейнетақы жарналарының көлемі - 856,4 млрд теңге (өткен жылдың көрсеткішімен салыстырғанда 29,1% немесе шамамен 193 млрд теңгеге өскен).

Соңғы бес айда 6 мыңға жуық этникалық қазақ қандас мәртебесін алды

Қандастардың ішінен білім деңгейі бойынша 17%-ы жоғары білімді, 22,6%-ы орта кәсіби білімді, 55,1%-ы жалпы орта білімді, және 5,3%-ының білімі жоқ.