Республика күні қарсаңында бір топ азамат мемлекеттік наградаларға ие болды.
Биылдан бастап қайта беріле бастаған «Қазақстанның халық жазушысы» атағымен белгілі қаламгерлер – Төлен Әбдікұлы, Смағұл Елубай, Бексұлтан Нұржекеев, Софы Сматаев, Ахметжан Аширов, Любовь Шашкова марапатталды.
Ал «Қазақстанның халық әртісі» атағы еліміздің театр және кино актерлері Димаш Ахимов, Михаил Токарев пен Дулыға Ақмолдаға, опера әншілері Шахимардан Әбілов пен Талғат Күзенбаевқа, әншілер Рамазан Стамғазиевке, Димаш Құдайбергенге және күйші Айгүл Үлкенбаеваға берілді.
