Жаңаөзен қаласының 50 оқушысы «IQanat» мектебінде оқиды

Биыл Жаңаөзен қаласының 10- сыныптағы 50 оқушысына арналған алғашқы қоңырау үні, «Самұрық-Қазына» АҚ қолдауымен, «IQanat High School of Burabay» мектеп-пансионатында соғылады. Оқушылар мұнда жазғы демалыс уақытын босқа жібермей, тестілеуден өтті. Математика, сыни және кеңістіктіктегі ойлаудан тұратын 3 кезең Жаңаөзен қаласынан 858 оқушыны қамтыды.

Еліміздің үздік мектептерінің бірінде Жаңаөзен қаласының оқушыларының білім алу мүмкіндігі «Samruk-Kazyna Trust» әлеуметтік жобаларды дамыту қоры мен «ҚазМұнайГаз» ҰК АҚ қолдауымен жүзеге асуда.

Маңғыстау облысы Жаңаөзен қаласынан іріктеуден өткен 50 оқушыға арналған оқу гранттарын «Samruk-Kazyna Trust» қоры төледі. Гранттар оқуға, жол жүруге және қажетті мектеп киімін алуға байланысты шығындарды жабады.

Жобаға қатысушылар өз білімдерін жетілдіріп қана қоймай, келешек даму үшін қажетті дағдыларды - сыни ойлауды, эмоционалды зияткерлікті, көшбасшылық қасиеттерді және жеке басын жетіктіктерге ынталандыруды меңгереді. «IQanat» мектебінің заманауи әрі жаңаша әдістемелері бойынша оқыту нәтижесінде балалардың академиялық көрсеткіштері артып, өзекті техникалық және шығармашылық IT-дағдылары қалыптасады.

Сурет sk-trust.kz сайтынан