Ел үкіметі мәлімдеме жасады, деп хабарлайды Malim.kz.
Әлеуметтік желілер балалардың уақытын, балалық шағын және амандығын ұрлап, сол арқылы дамып келеді. Біз мұның жолын кесеміз, — деді елдің цифрландыру министрі Каролин Стейдж Олсен.
Мәлімдеме Дания премьер-министрі Метте Фредериксеннің балалардың психикалық денсаулығына алаңдаушылық білдіріп, осындай шектеу енгізу жөніндегі үндеуінен кейін жасалды.
Reuters агенттігінің хабарлауынша, парламенттегі партиялардың көпшілігі бұл бастаманы қолдамақ.
Сонымен бірге ата-аналар балалар 13 жасқа толғаннан кейін кейбір онлайн-платформаларға рұқсат беруге құқылы болады.
Даниядағы балалар арасында ең танымал платформалар — Snapchat, YouTube, Instagram және TikTok. Ел жастары әлеуметтік желілерде күніне орта есеппен 2 сағат 40 минут уақыт өткізеді.
