Маңғыстау облысы Бейнеу ауылында 11 оқушының тамақтан улануы мүмкін деген күдік бар, деп хабарлайды Malim.kz Lada.kz сайтына сілтеме жасап.
Манашы орта мектебінің 2, 3 және 5-сынып оқушылары улану белгілерімен ауруханаға түскен.
1 сәуір күні кешке жедел жәрдем Бейнеу орталық аудандық ауруханасының қабылдау бөліміне 9-12 жас аралығындағы 11 баланы жеткізген. Барлығы жүрек айну, құсу және әлсіздік туралы шағымданған. Дәрігерлер тексергеннен кейін қажетті медициналық көмек көрсетіп, балаларды үйлеріне жіберді, себебі ауруханаға жатқызуды қажет ететін жағдай тіркелмеді.
Өңірдің денсаулық сақтау басқармасы мектеп асханасынан санитарлық-эпидемиологиялық бақылау мамандары сынамалар алғанын хабарлады. Балалардың ас қорыту жүйесінде бұзылу белгілері анықталған, мүмкін, олар мектептегі тамақтан кейін уланған.
Қазіргі жағдай келесідей:
- Санитарлық қызмет өкілдері мектеп асханасындағы тамақ өнімдерінен сынамалар алып, зертханалық тексеріс жүргізуде.
- Қажетті санитарлық-профилактикалық шаралар қолға алынған.
- Балалардың жағдайы тұрақты, өмірлеріне еш қауіп жоқ, олар үй жағдайында ем қабылдауда.
Фото: pixabay
Байланысты жаналықтар
MalimBlocks
