Қазақстанның 4 қаласында ауа сапасы нашарлайды
«Қазгидромет» РМК 11 желтоқсан күнге Қазақстанның бірқатар қаласындағы ауа сапасы жайлы хабарлады.
Ауа райын болжайтын мекеменің хабарлауынша, 11 желтоқсанда Атырау, Алматы, Жезқазған және Өскемен қалаларында ауа ластанып, салдарынан қолайсыз метеорологиялық жағдай туындайды.
Бұл — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлар (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы белгілі деңгейде нашарлайды.
Фото: gov.kz
