Экология және табиғи ресурстар министрлігі қазақстандықтарды "Жер сағаты" акциясына қатысуға шақырды, - деп жазады Malim.kz тілшісі.
Министрлік мәліметінше, бұл жаһандық бастама климаттың өзгеруі мен қоршаған ортаны қорғау мәселелеріне қоғамның назарын аударуға бағытталған. Сондықтан 22 наурыз кешкі сағат 20:30-дан 21:30-ға дейін жарық сөндіруге шақырылды.
"22 наурызда сағат 20:30-дан 21:30-ға дейін бүкіл әлем бойынша "Жер сағаты" халықаралық экологиялық акциясы өтеді. Ұйымдар мен кәсіпорындарға да осы бастамаға қосылып, сағат 20:30 бен 21:30 аралығында ғимараттардың сыртқы жарықтандыруын (архитектуралық, декоративтік жарық) сөндіру ұсынылады", – делінген министрлік хабарламасында.
Фото: Pixabay.com
