Шымкент қалалық құрылыс басқармасының басшысы Ербол Ахметовтің айтуынша, биыл бюджет есебінен 42,5 млрд теңгеге 112 нысанның құрылысы жоспарланған.
«Нұрлы жер» бағдарламасымен 79 көпқабатты (4832 пәтерлі, жалпы көлемі 287,1 мың шаршы метр) тұрғын үйдің құрылысын жүргізу жоспарланған. Оның ішінде: арендалық – 14 үй (768 пәтер), кредиттік – 65 үй (4064 пәтер).
Құрылыс басқармасы басшысының айтуынша, жалпы бөлінген қаржы – 25,6 млрд теңге. Биыл 39 үй пайдалануға беріледі (2432 пәтер, 141 мың шаршы метр). Яғни, кредиттік 33 үй, арендалық 6 үй пайдалануға тапсырылады. 3 айдың қорытындысы бойынша 2,9 млрд теңге қаржы игерілген.
Тұрғын үй құрылыс жұмыстары негізінен Тұран шағынауданы мен Әкімшілік-іскерлік орталығында жүріп жатыр. Тұран шағынауданында 2021 жылы 61 тұрғын үйдің (3848 пәтер) құрылысы жүрмек.
Байланысты жаналықтар
MalimBlocks
