Ұлттық экономика министрлігі қала тұрғындарына қаңтар айында жылу төлемі неліктен тым қымбат шығуын түсіндірді. Министрліктің айтуынша, 2023 жылы Астана қаласында жылу энергиясын есепке алу бойынша 970 жалпыүйлік аспабы тексеруден өтуі тиіс еді, алайда 135 есептеу аспабы тиісті тексеруден өтпеген.
«Осыған байланысты есепке алу құралының тексеру мерзімі өткен осы 135 тұрғын үйге есептеу құралы тексеруден өткен тұтынушыларға қарағанда 20% - ға жоғары тарифті жылу ақысы есептелген»,- делінген хабарламада.
Сондықтан министрлік жазғы кезеңде жылу энергиясын есепке алу аспаптарын тексеруді жүргізуді ұсынып отыр. Сондай-ақ, тұтынушылардан МИБ немесе ПИК жүгіну арқылы өз ЖЕА уақтылы тексеруді жеке бақылауға алуды сұрайды.
Айта кетейік, биыл 1001 есепке алу аспабын тексеру қажет, оның ішінде бүгінгі күнге дейін тек 33-і ғана өтті
Байланысты жаналықтар
MalimBlocks
