«Дружба» құбырынан ақау шықты: қазақстандық мұнай басқа желі арқылы тасымалдануда
Зақымдалған желі бойынша мұнай тасымалдау тоқтатылды
Энергетика министрлігі қазақстандық мұнай өтетін «Дружба» құбырындағы ақауға қатысты түсінік берді.
– 2024 жылғы 1 желтоқсанда Пневы қаласы маңында «Дружба» жүйесі құбырының батыс бөлігінде, Шведт мұнай өңдеу зауытына жеткізілетін мұнайдың төгілуі анықталды. Зақымдалған желі бойынша мұнай тасымалдау тоқтатылды. Мұнай жеткізу екінші желі арқылы жалғасты. Екінші желінің техникалық мүмкіндіктері мұнай айдауды толық көлемде қамтамасыз етеді, - делінген хабарламада.
Ақпаратта айтылғандай, 2024 жылдың қараша айының қорытындысы бойынша аталған бағытта қазақстандық мұнайды жеткізу кестеге сәйкес толық орындалды.
– Желтоқсан айына жоспарланған мұнай жеткізу 2024 жылғы 20-30 желтоқсан аралығында жүзеге асады деп күтілуде, - дейді министрліктен.
Бұған дейін қазақстандық мұнай өтетін «Дружба» құбырында ақау шыққаны туралы хабарлаған едік.
Жанармайдың ағуы «Дружба» құбырының Польшаның батысындағы Пневы қаласының маңындағы учаскесінде болды. Оқиға кезінде өрт немесе жарылыс қаупі тіркелмеген.
Айта кетейік, қазақстандық мұнай экспорты дәстүрлі түрде Ресей аумағы арқылы Каспий құбыр консорциумының Новороссийскіге дейінгі құбыр жүйесі арқылы жүзеге асырылады. Ресей мен Польша арқылы Германияға «Дружба» құбыры арқылы жеткізу 2023 жылдың ақпан айының соңында басталды. Қазақстан мұнайы қуаттылығы 2 млн баррель құбырдың солтүстік тармағы арқылы өтеді.
Фото: ТАСС. А.Саверкин
Байланысты жаналықтар
MalimBlocks
«Елім саған айтам, Елбасы сен де тыңда!» - 8-ші хат
Қарағандының 15 шахтасын гoлландықтар сатып алған, сoларды сақтап қалды дeп қуанып жүрмiз. Eкiбастұзды да сатып жiбeрдiк. Ал, oлардың бiр жылда өндiрeтiн 50 миллиoн тoнна көмiрiн əр тoннасын 10 дoллардан сатса, бiр жылдың өзiндe 500 миллиoн дoллар түсiрмeй мe? Oлар oсыны көрe, жылына 100 миллиoн дoллар бөлiп oтыр. Бүкiл Қызылoрданың үмiтi бoлған Құмкөлдi дe сатып жiбeрдiк.
