Жыл басынан бері ұялы байланыс бағасы өсіп келеді. Әрбір оператор өзіндік құн қосып, тариф ақысын көтеруге көшкен. Қоғамда аталған өзгеріске наразы топ мемлекеттен мәселені реттеуді талап етуде. Осыған орай құзырлы орган ресми позициясын білдірді.
Цифрлық даму, инновациялар және аэроғарыш өнеркәсібі министрлігінің Kazinform агенттігіне ресми жауап берді.
Ұялы байланыс тарифтеріне байланысты баға саясатын реттеу бойынша қандай бастама қолға алынды?» деген сұраққа министрліктің Телекоммуникациялар комитеті нақты жауап берді. Айтуларынша, қолданыстағы заңнамаға сәйкес мемлекеттің ұялы байланыс операторларындағы баға саясатына араласуға құқы жоқ.
ҚР Кәсіпкерлік кодексі аясында, бәсекелестікті дамыту мақсатында 2017 жылдың 1 қаңтарынан бастап мемлекет байланыс қызметтері тарифтерін реттемейді. Кәсіпкерлік кодекісінің 116-бабы 1-тармағына сәйкес кәсіпкерлік субъектілері тауарларға тариф және баға, жұмыстар, қызметтерді дербес айқындайды. «Байланыс туралы» Қазақстан Республикасы Заңының 20-бабына сәйкес, егер ҚР заңдарында өзгеше көзделмесе, байланыс операторлары байланыс қызметтеріне арналған тарифтерді негізделген шығындарды негізге ала отырып дербес белгілейді. Комитеттің орталық мемлекеттік орган ретінде субъектілердің ішкі істеріне араласуға құқығы жоқ екенін атап өтеміз, – делінген ресми хатта.
Фото: pixabay.com
