Сәуір-маусым аралығында халық 779 келі алтын сатып алған
Ең көбі алматылықтарға тиесілі
![](/images/article-img/1600/23442-1721653019-m.jpg)
Биыл II тоқсанда екінші деңгейлі банктер мен жекелеген банктік емес айырбастау пунктерінде жалпы салмағы 779,2 келі 14 752 алтын құйма сатылды, деп хабарлайды Malim.kz.
Оның ең үлкен көлемі мына өңірлерге тиген: Алматы (9 705 дана, 66%), Жетісу облысы (1 515 дана, 10%) және Шымкент (1 173 дана, 8%).
Ұлттық банк таратқан мәліметке қарағанда, халыққа тазартылған алтын құймаларды сату және сатып алу бағдарламасы іске қосылған 2017 жылдан бері жалпы салмағы 7 тонна 185 295 алтын құйма сатылып, банктер мен жекелеген банктік емес пунктер 1 тонна тартатын 38 374 алтын құйманы, яғни 21%-ын кері сатып алған.
Алтын құймалар бес түрлі салмақта ұсынылады: 5, 10, 20, 50 және 100г. Сатып алушылар арасында өте жоғары сұранысқа ие түрі – 100 грамдық алтын құйма. Жалпы сатылған құймалар арасында оның үлесі 25% – 46 007 дана. Одан кейін 10 грамдық алтын құйма – 45 781 дана (25%), 5 грамдық құйма – 41 592 дана (22%), 20 грамдық құйма – 29 796 дана (16%), және 50 грамдық құйма – 22 119 дана (12%).
Фото: 365info.kz