Тұран шағын ауданың көшелері көштен қалмайды
Шымкент қаласының энергетика және коммуналдық шаруашылық басқармасының басшысы Боранбай Булатбеков құрылыс нысандарын аралап, мердігер мекеме тарапынан атқарылып жатқан жұмыстарды бақылады.
Шымкент қаласы Тұран шағын ауданының солтүстік-шығыс бөлігіндегі 13 көшесінде құрылыс жұмыстары жүргізіліп жатыр.
Аталған көшелердің жобасына жаяу жүргіншілерге арналған тротуар, веложол және автомобиль жолдарының сызбалары енгізілген. Айта кетерлігі, Тұран шағын ауданындағы №1,2,6,7,8,10 көшелердің құрылыс жұмыстары ағымдағы жылдың соңына дейін аяқтау жоспарға қойылған.
Ал, № 3,4,5,9,11,12,13 көшелердің құрылыс жұмыстары 2022 жылға өтпелі. Басқарма басшысы Боранбай Булатбеков құрылыс сапасының жоғары болуын қадағалап, мердігер мекемеге нысанды уақытында аяқтауды тапсырды.
