Бизнесмен Илон Маск АҚШ-тың USAID агенттігін сынап, оны қылмыстық ұйым деп атады, деп хабарлайды Orda.kz-ке сілтеме жасап www.malim.kz.
Кейін ол өзінің Х әлеуметтік желіcінен жазбасын өшіріп тастады.
«USAID – бұл қылмыстық ұйым. Оның жойылатын уақыты келді», – деді Илон Маск.
Оның айтуынша, биологиялық қару әзірлеуді Халықаралық даму агенттігі қаржыландырған.
«Сіз USAID сіздің салықтан түскен ақшаңызды пайдаланып, миллиондаған адамдардың өмірін қиған COVID-19-ды қоса алғанда, биологиялық қару әзірлеуді қаржыландырғанын білесіз бе?» деп жазды Илон Маск.
Ол сондай-ақ блогердің USAID зерттеулерін қаржыландыруға, соның ішінде COVID-19-ға EcoHealth Alliance арқылы 53 миллион доллар жұмсағаны туралы жазбасын қайта жариялады. Онда агенттік «Ухань зертханасында коронавирусты жақсарту үшін» зерттеулерге қолдау көрсеткені айтылған.
Бір күн бұрын, NBC News хабарлағандай , Ақ үй USAID-тің екі қызметкерін Илон Масктың үкіметтік тиімділік департаменті (DOGE) инспекторларының USAID құпия материалдарына қол жеткізуіне тосқауыл қою әрекетінен кейін әкімшілік демалысқа жіберді.
DOGE қызметкерлері ақыры қол жеткізе алды, бірақ ол жерде қандай ақпарат болғаны белгісіз.
Фото:depositphotos.com / Фото автора imagepressagency
