Иран Үнді мұхитындағы Диего-Гарсия аралында орналасқан АҚШ пен Ұлыбританияның әскери базасына қарай екі орта қашықтықтағы баллистикалық зымыран ұшырды, деп хабарлайды Malim.kz. DW-ге сілтеме жасап.
The Wall Street Journal газетінің мәліметінше, зымырандардың ешқайсысы нысанаға жетпеген: біреуі ұшу кезінде істен шықса, екіншісін АҚШ-тың SM-3 жүйесімен қағып түсіруге әрекет жасалған.
Басылым бұл оқиғаны Иранның Таяу Шығыстан тыс жерде АҚШ мүдделеріне алғаш рет елеулі қауіп төндіру әрекеті ретінде бағалайды. Аталған база Ираннан шамамен 4000 шақырым қашықтықта орналасқан.
