Бокстан WBC, WBA және WBO екінші орта салмақ дәрежесінде әлем чемпионы мексикалық Сауль «Канело» Альварес америкалық Эдгар Берлангиге қарсы жекпе-жекте жеңіп шықты, деп хабарлайды Malim.kz.
Сөйтіп, ол өз атақтарын қорғап қалып отыр.
Жекпе-жектің өзі қыркүйектің 14-інен 15-іне қараған түні Лас-Вегаста T-Mobile Arena-да өтіп, кәсіби бокс кешінің басты оқиғасы болды. Жекпе-жек барлық 12 раундқа созылып, төрешілер шешімімен бірауыздан Альварестің пайдасына шешілді. Есеп – 117:110, 119:109, 119:109.
Фото: instagram/canelo
