Әйелін ұрып-соққан дипломаттың үстінен қылмыстық іс қозғалды
Тергеу мүддесіне қатысты басқа мәліметтер жарияланбайды.
Әйелін ұрып-соққан Қазақстанның БАӘ-дегі елшісі кеңесшісінің үстінен қылмыстық іс қозғалды, деп хабарлайды Malim.kz.
Аталған факт бойынша қылмыстық іс қозғалды, тергеу мүддесіне қатысты басқа да мәліметтер жарияланбайды, - деп мәлімдеді Астана қалалық ПД баспасөз қызметі.
Еске салсақ, бұған дейін қазақстандық дипломаттың әйелі мен оның әпкесін ұрып-соққанын жазған болатынбыз.
Зәбір көрген әйел өз видеоүндеуінде күйеуін түрмеге жабуды қалайтынын айтқан.
Мен, Мамаш Карина Госманқызы, БАӘ елшісінің кеңесшісі Мамаш Сәкен Ташкенбайұлының әйелімін. 10 жыл бойы зорлық-зомбылық көріп келемін. Мен жұбайымның маған көрсеткен бүкіл қорлығы үшін дипломат мәртебесінен айырылып, түрмеге жабылғанын қалаймын. Ол маған физикалық, жыныстық, эмоционалды, экономикалық, тұрмыстық зорлық-зомбылық көрсетті, - деді ол.
Кейін ҚР СІМ ресми өкілі Айбек Смадияров оқиғаға қатысты түсініктеме берді.
Біз бұл қызметкерді Қазақстанға шұғыл түрде қайтарып аламыз. Бұдан әрі оның ісімен құқық қорғау органдары айналысатын болады, - деді СІМ өкілі.
Дипломат Сәкен Мамаштан қорлық көрген әйел балаларымен бірге Қазақстанға жеткізілгені белгілі болды.
Фото: интернеттен
Байланысты жаналықтар
MalimBlocks
