Қазақстанның БАӘ-дегі елшілігі кеңесшісі Сәкен Мамаштан қорлық көрген әйел балаларымен бірге Қазақстанға жеткізілді, деп хабарлайды Malim.kz.
Енді ол күйеуімен ажырасатын болды. Мүлікті бөліп, алимент өндіріп алу рәсімін жүргізуге, оны жүйелі түрде азаптап, ұрып-соққаны үшін жауапқа тартуды көздеп отыр.
Еске салсақ, бұған дейін Қазақстан Республикасының Біріккен Араб Әмірліктеріндегі елшісінің кеңесшісі әйелі мен оның әпкесін ұрып-соққанын жазған болатынбыз.
Кейін Сыртқы істер министрлігінің ресми өкілі Айбек Смадияров оқиғаға қатысты пікір білдіріп, елшісі кеңесшісінің ісімен құқық қорғау органдары айналысатынын мәлімдеген еді.
Біз бұл қызметкерді Қазақстанға шұғыл түрде қайтарып аламыз. Бұдан әрі оның ісімен құқық қорғау органдары айналысатын болады, - деді ол.
Фото: видеодан скрин
