Астана дәмханаларының бірі 2 млн теңгенің мүлкінен айрылып қалды
Ұрлықшы ұсталып, қамалған
![](/images/article-img/1600/23573-1722057764-m.jpeg)
Елордада дәмханадан 2 млн теңгенің мүлкін қолды қылған күдікті анықталды, деп хабарлайды Malim.kz.
Полицияға Астанадағы отбасылық дәмханалардың бірінің иесі ұрлық дерегі бойынша арызбен жүгінген. Тергеу барысында дәмхана ғимараты қараусыз қалғаны анықталған. Бұл қаскүнемнің назарын аударған.
Жедел-іздестіру іс-шараларын жүргізу барысында тәртіп сақшылары бұрын сотталған 39 жастағы ер адамды ұстады. Ол терезені бұзу арқылы үй-жайға кіріп, сол жерден жалпы құны 2 млн теңгеге теледидар, кабель және 100-ге жуық радиаторды алып кеткен, деп жазылған полиция хабарламасында.
Ал ұрлаған мүлкін металл қабылдау пунктіне өткізген. Осы дерек бойынша сотқа дейінгі тергеу амалдары жүргізіліп жатыр. Ұрлықшы Астана қаласы ПД уақытша ұстау изоляторына қамалған.
Фото: polisia.kz