Атырау мен Жаңаөзеннің қалалық емханаларында жемқорлық қылмыстары анықталды.
26 тамызда Атырау қаласының соты №4 Атырау қалалық емханасының директоры Е. Сабировқа, шаруашылық меңгерушісі А. Әлжановаға, бас есепші М. Дүйсенғалиеваға және кәсіпкер А. Ералиеваға қатысты үкім шығарды.
Сот процесі ашық режимде өткізілді. Сотталушылар кәсіпкермен заңсыз шарт жасасқан. Қызмет көрсетілмесе де кәсіпкерге 231,8 млн теңге сомасында ақша аударып, ақша жымқырғаны дәлелденіп отыр.
Сот үкімімен олар 5 жылдан 7 жылға дейін мерзімге бас бостандығынан айырылды. Емхана басшысы өмір бойы мемлекеттік қызметте және квазимемлекеттік сектор субъектілерінде қызмет атқару құқығынан айырылды. Ал қалған үшеуі мемлекеттік ұйымдарда 7 жыл мерзімге материалдық-жауапты лауазымдарды атқару құқығынан айырылды. Сот үкімі заңды күшіне енген жоқ.
Осы секілді қылмысқа күдікті деп танылған Жаңаөзен қалалық емханасының директоры да қамауға алынды.
Сыбайлас жемқорлыққа қарсы қызметтің Маңғыстау облысы бойынша департаменті «№2 Жаңаөзен қалалық емханасының директоры мен бас есепшісіне қатысты сотқа дейінгі тергеуді аяқтады. Олар мемлекеттік сатып алу шарты шеңберінде медициналық бұйымдарды жеткізбестен жеке компанияның шотына 10,5 млн теңге сомасында ақша аудару арқылы қаражат жымқырды деген күдікке ілінген. Соттың санкциясымен кәсіпорын директоры қамауға алынды.
Айтка кетсек, биыл елімізде әлеуметтік салада 95 жемқорлық қылмыс тіркеліп, оған 58 адамның қатысы бары әшкереленді, 34 адам сотталды.
Фото: florcvet.ru
Байланысты жаналықтар
MalimBlocks
