Екі күнде 300-ге жуық қылмыскер ұсталды
Ішкі істер министрлігі қылмыскерлерді ұстауға қатысты жедел-профилактикалық іс-шара өткізді.
Екі күнде Қазақстан полициясы іздеуде жүрген 280 қылмыскерді ұстады. Олардың қатарында: кісі өлтірген – 9; – денсаулыққа ауыр зиян келтірген – 4; – қарақшылық шабуыл жасаған – 5; – тонаумен айналысқан – 7; – есірткі қылмысына қатысы бар – 19 адам бар. Оның сыртында, басқа елдерде 33 қылмыскер ұсталған. Ал басқа мемлекеттер салған сұраудың негізінде 145 адам қамалған.
Арменияның Ноемберян ауданында 36 жастағы Қазақстан азаматы ұсталды. Ол биыл қыркүйекте Петропавлда бір адамды пышақтаған.
Павлодар облысы полициясы Ресейдің Орел қаласында 42 жастағы Қазақстан азаматын ұстады. Ол 2017 жылы жергілікті кәсіпкерге дизель отынын жеткіземін деп алдап, 50 млн теңгені алып кеткен.
Алматы полициясы Ташкент облысының құқық қорғаушыларымен бірігіп, іздеуде жүрген 28 жастағы Өзбекстан азаматын ұстады. Әйел адам 2015 жылы өзінің кәмелетке толмаған қызын өлтірген.
Қазақстан ІІМ Интерполының сұрауымен Германияның Нюрнберг қаласында еліміздің 42 жастағы азаматы ұсталды. Ол осы жылғы наурызда Павлодар қаласында шетелдік азаматқа астық жеткізуге уәде беріп, оның 244 мың АҚШ долларын жымқырып кеткен.
Мұнан өзге полиция хабар-ошарсыз кеткен 53 адамның қайда жүргенін анықтады.
Фото: polisia.kz
