Назарбаев зияткерлік мектептеріне қатысты бірқатар заң бұзушылық анықталды
1 млрд теңгеден астам сомаға бір көзден сатып алу тәсілін заңсыз қолданған
Қазақстанның Жоғары аудиторлық палатасы «Назарбаев зияткерлік мектептерінің» жұмысынан көптеген заң бұзушылықты анықтады.
3 жыл ішінде НЗМ 16,4 млрд теңге көлеміндегі қаражатты игермеген, ал банк шоттарында жыл сайын 27-ден 55 млрд теңгеге дейінгі мөлшерде қаржы қалдықтары жинақталған.
«Ұлытау облысының бюджеті көлеміндегі қаражат осы бес жылдан аз уақыт ішінде Назарбаев Зияткерлік мектептеріне бөлінген. Оның ішінде 22 млрд теңгеден астам қаражат тәжірибені таратуға қаралған. Статистиканы қалай қарасақ та, өкінішке қарай, айтарлықтай өзгеріс жоқ. Оның үстіне, бұл тіпті мемлекеттік жоспарлау жүйесі шеңберінде де қамтылмаған», - деді палата төрағасы Әлихан Смайылов.
НЗМ өткізген сатып алулар бойынша 10,5 миллиард (22 миллион доллар) теңгеге заң бұзушылық анықталды. Мысалы, 1 миллиард теңгеден (2,09 миллион доллар) астам сомаға бір көзден сатып алу тәсілін заңсыз қолдану, өтінімдерді негізсіз жіберу немесе қабылдамау және тағы басқа жағдайлар орын алған.
Жалпы, мемлекеттік аудит мына деректерді анықтады:
274,4 млн теңгеге (575,2 мың доллар) қаржылық заң бұзушылық;
8,3 млрд теңгеге (17,4 млн доллар) тиімсіз жоспарлау;
тиімсіз пайдалану – шамамен 6 млрд теңге (12,5 млн доллар).
Сондай-ақ 134 процестік заң бұзушылық және 30 жүйелік кемшілік анықталды.
Тексеру іс-шараларының қорытындысы бойынша құқық қорғау органдарына бір материал, әкімшілік құқық бұзушылық белгілері бар тағы он факті бойынша әкімшілік іс қозғау үшін уәкілетті органдарға жіберілді.
Фото: Ашық дереккөз
Байланысты жаналықтар
MalimBlocks
