Талғарда төбелестен көз жұмған баланың үйі өртенді (ВИДЕО)
Полиция бөтеннің мүлкін қасақана жою дерегімен іс қозғады
Талғарда төбелестен көз жұмған 16 жасар Шерзаттың үйі өртеніп кетті, деп хабарлайды Malim.kz.
Өрттің бейнежазбасы әлеуметтік желіде жарияланды.
Төтенше жағдай қызметінің мәліметінше, бірінші өрт сөндіру бөлімшесі келген сәтте, сағат 01:08-де үй толығымен отқа оранған.
Қабылданған жедел шаралардың нәтидесінде өрт 01:38-де оқшауланып, 01:43-те 56 ш.м. алаңда толығымен жойылған. Зардап шеккендер жоқ. Өрттің себебі нақтыланып жатыр.
Облыс полициясы 12 қазанға қараған түні Еңбекшіқазақ ауданы Азат ауылындағы үйлердің бірінде өрт болғаны, құрбандар мен зардап шеккендер жоқ екенін мәлімдеді.
Осы жағдайға байланысты «бөтеннің мүлкін қасақана жою дерегі» бойынша полиция қылмыстық іс қозғаған. Тергеу аясында куәгерлерден жауап алынып жатыр, сондай-ақ бейнебақылау камераларының жазбалары зерттелу үстінде.
Қазір оқиғаның барлық мән-жайы мен оған әкелуі мүмкін себептері анықталып жатыр.
Оған қоса, отбасының тұрғылықты жері бойынша қауіпсіздікті қамтамасыз ету үшін полиция қызметкерлерінің тарапынан тәулік бойы кезекшілігі ұйымдастырылған.
Сондай-ақ, Бас прокуратура да осы жағдайға қатысты мәлімдеде жасады. Талғарда жасөспірімді өлтіру ісі бойынша жәбірленушілердің үйін өртеу дерегіне қатысты 2024 жылғы 12 қазанда Бас прокуратураның басшылығымен қылмысты ашу үшін ведомствоаралық жедел-тергеу тобы құрылған.
Кінәлілерді әшкерелеу үшін барлық шара қабылданады. Қылмыстық iс Бас Прокурордың бақылауына алынды, деп жазылған мәлімдемеде.
Фото: ТЖМ
Байланысты жаналықтар
MalimBlocks
