«Техника жеткіліксіз, маман жоқ». СҚО-да орман заңын бұзған шенеуніктер жауапқа тартылды

Жүргізілген талдау аясында облыстың мамандандырылған табиғатты қорғау прокуратурасы жергілікті атқарушы органдардың қызметінде орман заңнамасының бұзу деректерін анықтаған, деп хабарлайды Malim.kz.

Мамандандырылған прокуратура мәлімдеуінше, қолданыстағы орман өрт сөндіру станциялары АШМ бұйрығының талаптарына сәйкес келмейді, өрт сөндіру станцияларының материалдық-техникалық жарақтандырылуы жеткіліксіз, оның ішінде өрт сөндірушілерді орналастыруға арналған үй-жайлар, жылы гараждар, мамандар, сондай-ақ, өрт сөндіру техникасына арналған қажетті жарақтандырулар мен жабдықтар жоқ.

Барлық орман мекемесінде орман өрттерін ерте анықтаудың автоматты жүйесі (FireWatch жоқ), арнайы жедел әрекет ету авиациясын сатып алу және орман өрттерін сөндіру, жетуге қиын жерлерде десанттың қонуын қамтамасыз ету үшін тікұшақ алаңдарын орнату бойынша ұсыныстар назардан тыс қалған, деп жазылған прокуратура хабарламасында.

Сондай-ақ, су алуға арналған өрт гидранттары мен су айдындарының жай-күйі, минералданған қорғаныш жолақтарын орнату бойынша басқа да тәртіпбұзушылықтар анықталған. Халыққа эвакуациялау жоспарларын жеткізу және өртке қарсы ерікті құралымдар құру бойынша түсіндіру жұмыстары жеткіліксіз жүргізіліп жатқанын мәлім етті.

Прокурорлық қадағалау актісі бойынша облыс бюджетінен арнайы өрт техникасы мен жабдықтарын сатып алуға 296,6 млн теңге, 7 орман шаруашылығы бойынша өрттерді ерте анықтау бойынша құрылғыларды сатып алуға 45 млн теңге бөлінгені анықталған. Соған байланысты 12 лауазымды тұлға тәртіптік жауапкершілікке тартылған, оның ішінде үшеуі аудан әкімі.

Сондай-ақ, Өнеркәсіпті дамыту қоры арқылы 3,3 млрд теңгеге өртке қарсы техниканы сатып алу үшін лизинг мәселесі шешілу үстінде, бұл орман иелерін қолданыстағы нормалар мен нормативтер бойынша өрт машиналарымен және тракторлармен 100% қамтамасыз етуге мүмкіндік бермек.

Фото: pergam.kz