Белгісіз біреулер Зерендідегі Екінші дүниежүзілік соғыс жауынгерлеріне арналған ескерткішті сындырып, бүлдіріп кеткен, деп хабарлайды Malim.kz
Ескерткіштің қазіргі күйі әлеуметтік желіде жарияланды. Ақмола облысы полиция департаменті Зеренді ауданындағы вандализм дерегі бойынша сотқа дейінгі тергеу басталғанын мәлімдеді.
Вандалдар Зеренді ауылында орналасқан Ұлы Отан соғысына қатысушыларға арналған ескерткішті қорлағаны анықталды. Қазір полиция қызметкерлері осы қылмысты жасаған адамдарды анықтау үстінде. Оқиғаны ашу және тергеу Департамент басшысының жеке бақылауында.
Фото: скриншот
