Маңғыстау облысының 21 жастағы тұрғыны жартастарға жазу қалдырғаны үшін 25 тәулікке қамауға алынды. Бұл туралы ІІМ мәлімдеді, деп хабарлайды Malim.kz.
Ер адам табиғи нысанға өзінің аты-жөнін және көлігінің мемлекеттік нөмірін жазып кеткен.
Оқиға Ыбықты Сай шатқалында болған. Бұған дейін полиция құқық бұзушының жазуларды өшіріп, аумақты бастапқы қалпына келтіргенін мәлімдеген еді.
ІІМ табиғи және тарихи-мәдени нысандарды бүлдіру әкімшілік әрі қылмыстық жауапкершілікке әкелуі мүмкін екенін еске салды.
