Мәскеуде Crocus City Hall-дағы теракт құрбандарының саны 139-ға жетті. Бұл туралы Крокус-Сити Холлға жасалған шабуылдан кейін қабылданған шаралар туралы Владимир Путиннің қатысуымен өткен кеңесте тергеу комитетінің басшысы Александр Бастрыкин мәлімдеді, деп жазды BBC.
Бұған дейін қайғылы оқиғадан 137 адам қаза тапқаны хабарланған еді. Бастрыкиннің айтуынша, 2 адам ауруханада қайтыс болған. Мәскеу облысының денсаулық сақтау министрлігі 182 адамның жараланғанын айтқан еді.
Еске салайық, 22 наурызда Мәскеу іргесіндегі «Крокус Сити Холл» концерт залында теракт болды. Қаруланған бірнеше адам «Пикник» тобының концертіне келушілерді атқан еді. Теракт жасады деген күдіктілер қамауға алынды.
ФОТО: TASS
