Токио-Цюрих бағытындағы ұшақ жолаушысының жағдайы ауыр деп бағаланады. Бұл туралы елорданың денсаулық сақтау басқармасы мәлімет таратты, деп хабарлайды Malim.kz.
Басқарма мәліметінше, шетелдік жолаушы қазір жан сақтау бөлімінде жатыр.
Айта кетейік, кеше Астанада Швейцарияға бағыт алған Swissair әуе компаниясының Boeing 777-300ER ұшағы ішіндегі Жапония азаматының денсаулығының күрт нашарлауына байланысты сағат 16:00-де шұғыл қонған болатын.
Астана қаласының Денсаулық сақтау басқармасының хабарлауынша, реанимация бөліміне 52 жастағы Жапония азаматы ауруханаға жатқызылған.
Науқас бірден №2 қалалық көпсалалы ауруханаға жеткізілген. Одан анықталғаны мидағы қанайналымы қатты бұзылған (инсульт).
Фото: Азаматтық авиация комитеті
