24 сәуірде таңертең Атырау облыс орталығында "RAMS Garden Atyrau" тұрғын үй кешенінде ағаш қалып өртенген, - деп хабарлайды Malim.kz тілшісі.
Төтенше жағдай қызметіне 05:23-те қоңырау түскен.
13 және 14-қабат арасындағы ағаш
конструкциялар отқа оранды. Өрт аумағы - 450 шаршы метр.
Өртсөндірушілер жедел жетті. Сағат 06:48-де жалын оқшауланып, 07:04-те толық сөндірілді. Тұрғын үйлерге зиян келмеген, зардап шеккендер жоқ.
Оқиға орнында Атырау облысы Төтенше жағдайлар департаментінің 32 құтқарушысы және 9 техника жұмыс істеді.
Фото: видеодан алынған кадр
