Басы дауға қалған танымал блогер Дариға Нүркеева (Daricorn) тоғыз жастағы бала және оның анасымен кездесті, - деп хабарлайды Malim.kz тілшісі.
Блогер Instagram-дағы стористерінде бала және оның анасымен кездесіп, олардан кешірім сұрағанын айтты.
"Көбі біздің жағдайымыздан хабардар. Бүгін біз кездесіп, бәрін талқыладық. Тағы да бәрінен кешірім сұраймын, бұл біз үшін үлкен сабақ болды. Кішкентай балаларды ересектердің рұқсатынсыз түсіруге, желіге салуға болмайтыны біз үшін емес, бүкіл Қазақстанға да сабақ болды деп ойлаймын. Біз барлық жауапкершілікті түсінеміз", - дейді Daricorn.
Кездесу аяғында ол баланы және оның анасын құшақтап, татуласқанын көрсетті. Daricorn баламен түскен суретті "Happy end" деп жазып жариялады.
Оқиға туралы не белгілі?
Еске салайық, дау Алматы тұрғыны Ольга Колузанова тарапынан жасалған мәлімдемеден кейін белгілі болды. Әйел блогер Daricorn-ның кәмелетке толмаған ұлын көшеде рұқсатынсыз түсіріп, кейін әлеуметтік желіде жариялағанын айтты. Осыдан кейін мектепте және спорттық секцияларда балалар оның ұлын мазақтап, буллинг жасаған.
Фото: instagram.com/daricorn.rr
