Қостанайда тұрғын үйден өрт шықты

Қостанайда тұрғын үйден өрт шықты. ТЖМ қызметкерлері 6 адамды құтқарып, 8 адамды эвакуациялады, - деп хабарлайды Мalim.kz тілшісі. 

Бүгін Қостанайдың шұғыл қызметтеріне Текстильщиков көшесіндегі көпқабатты тұрғын үйдегі өрт туралы хабарлама келіп түсті. Оқиға орнына өрт есептоптары мен ҚР ТЖМ Апаттар медицинасы орталығының қызметкерлері жедел келіп жетті.

Өрт 9-қабаттағы пәтердегі бөлмеден және ішінара балконынан шыққан, тығыз түтіні үй тұрғындарына қауіп төндірді.

ТЖМ қызметкерлері құтқару қалпақтарының көмегімен 6 адамды құтқарды, олардың ішінде — үш бала және 1 мүгедек адам. Баспалдақпен тағы 8 адам эвакуацияланды. Құтқарылғандар мен эвакуацияланғандар тексеру үшін АМО қызметкерлеріне берілді. Ауруханаға жатқызудың қажеттілігі туындаған жоқ, ешкім зардап шекпеген.

Өрт пәтердің басқа үй-жайларына таралмады. Өрттің себептері анықталып жатыр.

Фото: Видеодан алынған кадр