«Шавхат ұтылады» деді». Арман Тоғаев UFC спортшысымен неге жанжалдасып қалғанын түсіндірді
Бұл жағдай жерлесіміздің жекпе-жегі басталар алдында болған
Атырау облысы күрес федерациясының президенті Арман Тоғаев UFC 310 турнирінде болған жанжалға не түрткі болғанын айтты, деп хабарлайды Malim.kz.
Әлемдік турнирде Шавхат Рахмонов пен Иан Гэрри арасындағы жекпе-жек басталар алдында UFC «жауынгері» Деннис Бузукьямен жұдырықтасып қалған еді. Ал Бузукья Алджамейн Стерлингке секундант болып келе жатқан беті болатын.
Менде болған инцидентте ешқандай проблема жоқ. «Шавхат ұтылады» деді, мен «ұтылмайды» дедім, болды, дейді кәсіпкер әрі облыстық күрес федерациясының президенті Арман Тоғаев.
Стерлинг болса, Мовсар Евлоевтан төрешілер шешімімен ұтылып қалды.
Қауіпсіздік қызметі қақтығысты ажыратып, қатысушыларын алаңнан шығарып жіберді.
Фото: instagram/tugayev.arman
