Ақсуда пансионат қызметкері қарияларға қатыгездік көрсеткен, - деп хабарлайды Malim.kz тілшісі.
Павлодар облысы Ақсу қаласында "Қамқор" әлеуметтік қызметтер орталығының тұрғындарына қатысты резонанс тудырған іс бойынша сот үкімі шықты.
Пансионат қызметкері жүйелі түрде қамқорлықтағы адамдарға физикалық күш қолданған және оларды жылы киімсіз көшеде қалдырған.
Жасалған әрекеттердің ауырлығын және олардың салдарын ескере отырып, сот айыпталушыны кінәлі деп танып, үш жылға бас бостандығынан айыру жазасын тағайындады.
Сот үкімі заңды күшіне енген жоқ.
Фото: pixabay.com
